सिरहा । प्रधानमन्त्री केपी शर्मा ओलि सिरहा सदरमुकाममा आउने भएपछि सुरक्षा व्यवस्था कडा पार्ने नाममा प्रहरीले सर्वसाधारणलाई अनावश्यक रुपमा सास्ती दिएको भन्दै स्थानीय बासिन्दा आक्रोशित बनेका छन्।
कार्यक्रम भइरहेको स्थानमा सिधा-सुगम तरिकाले जान मिल्ने ठाउँलाई सुरक्षा ब्यवस्था कडाइको बहाना भन्दै जिल्ला प्रहरि कार्यालय सिरहाका इन्स्पेक्टर आकाश उप्रेतीले सर्बसाधारणलाई अपराधी झै ब्यवहार गरि हप्काउदै गेट छिर्नबाट रोक लगाएपछि सर्बसाधारण अस्न्तुस्त बनेका छन ।
मुख्य चोक, बजार तथा आवागमनका मार्गहरूमा प्रहरीको बाक्लो उपस्थितिका कारण सर्वसाधारणले आवतजावतमा कठिनाइ भोग्नु परेको हो।
शान्तिपूर्ण तरिकाले गन्तव्यतर्फ लागेका नागरिकहरूलाई बारम्बार रोकपुछ, जाँच तथा निर्देशन दिइएको भन्दै धेरैले सामाजिक सञ्जाल र स्थानीय मिडियामार्फत असन्तुष्टि व्यक्त गरेका छन्।
"हामीलाई सुरक्षा चाहिएको हो, आतंक होइन," एक स्थानीय व्यापारीले भने, "प्रहरीले जनतालाई सेवा गर्नुपर्ने हो, हैरानी होइन।"
प्रहरी प्रशासनले भने यो व्यवस्था ‘विशेष सुरक्षाको आवश्यकताअनुसार’ गरिएको बताउँदै जनताको सहयोग र समझदारीको अपेक्षा गरेको छ।
तर स्थानीयले भने यस्तो सुरक्षाको नाममा गरिएको अत्यधिक कडाइले जनजीवन प्रभावित पारेको भन्दै तत्काल फेरि यस्तो व्यवहार नदोह्र्याउन माग गरेका छन्।
