नेपाल र भारतका प्रधानमन्त्रीबीच भिडियो कन्फरेन्स हुने

  • प्रकाशित मितिः भदौ १८, २०७६
  • ६५ पटक पढिएको
  • मिथिला रत्न
alt

काठमाडौं, १८ भाद्र । भारतीय प्रधानमन्त्री नरेन्द्र मोदीले भारतीय सहयोगमा भइरहेका पुनर्निर्माण कार्यको जानकारी लिने भएका छन् ।

नेपालका लागि भारतीय राजदूत मञ्जिवसिंह पुरीले प्रधानमन्त्री मोदीले भिडियो कन्फरेन्समार्फत गोरखा र नुवाकोटको पुनर्निर्माण कार्यको जानकारी लिने बताए ।

भदौ २४ मा दुई देशका प्रधानमन्त्रीबीच प्रत्यक्ष भिडियो कुराकानीको तयारी भइरहेको छ । त्यही क्रममा उनले गोरखा र नुवाकोटमा भइरहेको पुनर्निर्माण कार्यको जानकारी लिन लागेका हुन् ।

भारत सरकारद्वारा गोरखा र नुवाकोटमा भूकम्पले क्षति पुगेका ५० हजार घरधुरी पुनर्निर्माणका लागि ६ अर्ब ९५ करोड रुपैयाँ सहयोगमा गरेको छ।

भारतीय दूतावासका अनुसार हालसम्म ४० हजार घर पुनर्निर्माण भइसकेका छन् । पुनर्निर्माण कार्य ८५ प्रतिशत सकिएको बताइएको छ ।

‘मोतिहारी–अमलेखगन्ज पेट्रोलियम पाइपलाइनको प्रधानमन्त्री केपी ओली र भारतीय प्रधानमन्त्री मोदीले संयुक्त रूपमा भिडियो कन्फरेन्समार्फत उद्घाटन गर्ने कार्यक्रम रहेकाले त्यो समयमा सम्भव भएसम्म गोरखा र नुवाकोटको काम देखाइनेछ’, राजदूतका प्रवक्ता अभिषेक दुवेले भने ।

पुनर्निर्माणसम्बन्धी कामका केही झलक भिडियोमार्फत प्रधानमन्त्रीलई देखाउन लागिएको हो । भिडियो कन्फरेन्सको भारतको दुरदर्शन र नेपाल टेलिभिजनबाट प्रत्यक्ष प्रशारण गर्ने तयारी भइरहेको छ ।

प्रतिक्रिया दिनुहोस

एकै दिन १७ ग्राहकसँग शारीरिक सम्वन्ध

काठमाडौंँ उपत्यकामा सञ्चालित रात्रिकालीन मनोरञ्जन क्षेत्रमा कार्यरत एक महिला श्रमिकले प्रतिदिन १७ जना ग्राहकसँग शारीरिक सम्वन्ध राख्ने गरेको पाइएको छ। काठमाडौं महानगरपालिका वडा नम्वर–३२ कोटेश्वर क्षेत्रमा सञ्चालित होटल, गेष्टहाउस, डान्स, दोहोरी, क्याविन र खाजाघरमा कार्यरत

साना किसान बिष्णुपुरको अध्यक्षमा उप स्भापत

सिराहा। साना किसान सहकारी संस्था बिष्णुपुरको अध्यक्ष पदमा सिरहा जिल्ला समन्वय समितिका उपसभापति सरोज यादव विजय भएको छ । अध्यक्ष पदमा विजय हासिल गर्न सफल भएको उपसभापति यादव आफ्ना प्रतिद्धन्दी भोगेन्द्र प्रसाद यादवलाई ६ मतले पछाडी पार्दै जित सफल पारेका थिए । अध्यक्ष यादवले जम्मा ६६५


Copyright © 2018 / 2019 - Mithilaratna.com All rights reserved