बिनिता चौधरी, लहान । लहान पहिलो पटक आधुनिक स्क्याटिङ्ग (स्केटिंग) सेन्टर सञ्चालनमा आएपछि बालबालिका तथा युवायुवतीको घुइँचो लागेको छ । लहानमा रहेको छाता मार्केट भित्र खुलेको यो स्क्याटिङ्ग स्थल मनोरञ्जन प्रेमीहरूका लागि नयाँ गन्तव्य बनेको छ ।
नयाँ पुस्तालाई खेलकुद तथा मनोरञ्जनतर्फ आकर्षित गर्न खोलिएको यो स्क्याटिङ्ग सेन्टरले छोटो समयमा नै लोकप्रियता हासिल गरेको छ । बालबालिका, किशोरकिशोरी तथा युवायुवतीहरू स्क्याटिङ्ग खेल्नका लागि यहाँ बिहानदेखि साँझसम्म भिड लाग्ने गरेको छ ।
स्वास्थ्य तथा मनोरञ्जनका लागि प्रभावकारी
स्क्याटिङ्ग खेल मात्र नभएर शारीरिक फिटनेसका लागि पनि निकै प्रभावकारी मानिन्छ । विशेष गरी शारीरिक सन्तुलन, सहनशीलता र मांसपेशी सशक्तीकरणका लागि स्क्याटिङ्ग लाभदायी हुने विज्ञहरूको भनाइ छ ।
सञ्चालकको अनुसार, “हामीले बालबालिका र युवाहरूलाई सुरक्षित तरिकाले स्क्याटिङ्ग खेल्न सिकाउने उद्देश्यले यो सेन्टर सञ्चालनमा ल्याएका हौँ । यसले उनीहरूको शारीरिक तन्दुरुस्ती मात्र नभई आत्मविश्वास पनि बढाउनेछ ।”
व्यवस्थापन र सुरक्षाको विशेष ध्यान
स्क्याटिङ्ग सेन्टरमा सुरक्षालाई विशेष ध्यान दिइएको छ । यहाँ आधुनिक स्क्याटिङ्ग ट्रयाक, प्रशिक्षक, हेल्मेट तथा अन्य सुरक्षा उपकरणको राम्रो व्यवस्था गरिएको छ । अभिभावकहरू पनि आफ्ना बालबालिकालाई सुरक्षित वातावरणमा खेल्न पाउँदा खुशी देखिन्छन् ।
लहानवासीको उत्साहजनक प्रतिक्रिया
स्क्याटिङ्ग खेल्न आउने बालबालिका तथा युवायुवतीहरूले नयाँ अनुभव प्राप्त गरिरहेको बताउँछन् । स्थानीय बासिन्दा बिनीले भने, “हाम्रो लहानमा यस्तो सुविधा हुनु खुशीको कुरा हो । यसले बालबालिकालाई डिजिटल स्क्रिनमा मात्र सीमित नराखी शारीरिक गतिविधिमा सक्रिय बनाउँछ ।”
यो नयाँ स्क्याटिङ्ग सेन्टर लहानको आकर्षणको केन्द्र बनेको छ । बालबालिका तथा युवायुवतीको चासो बढ्दै गएकाले यस स्थानले भविष्यमा अझै बढी सुविधा थप्ने सम्भावना रहेको छ ।
